Wacky Salud gikiha

CEBU, Philippines - Ang inilang boxing promoter nga si Rex "Wacky" Salud nag-atubang og kasong estafa human mountol ang tseke nga iyang gihatag ngadto sa iyang suod nga higala balor og P10 milyones.

 Ang mikiha kang Salud mao si Almacita Paray kinsa nagkanayon nga ang post dated nga tseke ni Salud walay pundo nga kwarta dihang gipasensiyohan kini sa nahauna ngadto sa bangko.

Sumala kang Paray nga niadtong tuig 2004 mihuwam og P10 milyones nga cash kaniya si Salud ug gi-isyuhan siya og tseke niini sa maong kantidad apan post dated.

Apan nakurat siya dihang pagpasensiyo niya niini sa bangko, wala diay pundong kuwarta.

Ang napikalan ni Paray kay matud pa dihang iyang gipaningil si Salud wala na kuno magtagad sa pagbayad sa iyang utang nga maoy hinungdan nga napugos siya sa pagpasaka og kaso ngadto sa hukmanan. - Bong Soriano (BANAT NEWS)