Deliah Tiu mag-bokal gyud

CEBU, Philippines - Klaro na nga mokandidato sa pagka-bokal sa lalawigan sa Sugbo si kanhi Mayor Deliah Tiu human siya makasang-at sa iyang Certificate of Candidacy (COC) niadtong Lunes.

Si Tiu maoy mihulip kang Jackilyn Largo, kinsa miatras sa iyang kandidatura sa maong posisyon.

Gibutyag ni Tiu sa Banat News nga kun wala pa siya pugsa sa iyang mga supporter, dili gyud unta siya moduso sa iyang COC.

Apan ang dakong kaayohan ning iyang paglansar mao ang iyang dakong ikatampo sa kandidatura ni Senador Benigno “Noynoy” Aquino III nga kandidato sa pagka-presidente sa nasud sa Liberal Party.

Si Tiu modagan isip bokal ubos sa (LP) uban ni Johnny delos Reyes. - Benda D. Batuto (BANAT NEWS)