Unom ka kandidato misibog sa 2010 polls
CEBU, Philippines - Unom ka kandidato ang mi-withdraw sa ilang kandidatora isip mayor, bise-mayor ug pagkakonsehal sa dakbayan sa Sugbu kagahapon.
Base sa report sa TV Partol Central Visayas, ang mga mi-withdraw mao sila Ricci Malou Ranile sa LDP party nga midagan pagkamayor, Jonah John Rodriguez, Kusug nga mikandidato pagkabise-mayor ug Erlinda Sayson sa Guadalupe nga ubos sa Lakas-CMD partylist nga milansar pagkakonsehal.
Samtang pagkahapon kagahapon, mi-withdraw usab sila Elena Cabrilles sa south district, Anastacio Masong ubos sa Kusog party ug Ryan Paray sa North District.
Kasagaran sa mga mi-atras sa ilang kandidatora mirason nga personal ang hinungdan samtang ang uban wala mobutang sa hinungdan sa ilang pag-atras.
Apan si Rodriguez sa iyang bahin kini miingon nga nagmasakiton na ang iyang inahan ug wala nay makaatiman niini maong nakadesider siya sa pagsibog.
Kahinumduman nga si Joseph Iran ang unang mi-withdraw sa iyang kandidatora pagkamayor sa syudad tungod sa kakulian sa panglawas.
Ang mga partido gihatagan nalang kutob sa Disyembre 14 aron pulihan ang ilang mga kandidato.
Ang Kusug nagpabilin pa karong walay klaro kun si kinsa ang ilang iatbang sa kandidato sa Bando Osmeña Pundok Kauswagan nga sila si Bise Mayor Michael Rama ug Joy Augustus Young.
Dunay mitumaw nga report nga dako ang posibilidad nga mokandidato si kanhi mayor Alvin Garcia atbang unya ni Young. – BANAT NEWS
- Latest
- Trending
