Kasundalohan sa Sugbu gipahimangnoan sa opisyal

CEBU, Philippines - Mipahimangno ang pangulo sa 8th Infantry Division (8th ID) nga si Major General Arthur Tabaquero sa kasundaluhan nga di magkumpiyansa sa posibleng mga opensiba sa mga rebeldeng New People’s Army.

 Si Tabaquero kinsa mibisita sa headquarters sa Balamban mihatag ug lima ka pahimangno sa iyang mga tawo.

Usa na niini ang umaabot nga Disyembre 26 nga diin mao ang anibersaryo sa Communist Party of the Philippines-NPA.

“Stay on guard always, do not lower your fist, kailangan palagi tayong naka-ready. Prepare for what they are going to do,” matud pa ni Tabaquero.

Gipahimangnoan usab ni Tabaquero ang mga sakop nga kanunayon ang pagbaton og disiplina aron mas maayo ang ilang serbisyo ug makaangkon og mga higala.

Samtang gipahinumduman sa opisyal ang kaubanang mga opisyal nga kinahanglang makabotar gyud ang tanang sundalo, kinahanglang kaugalingong desisyon sa matag sundalo kun si kinsa ang ilang pilion.

Hugot usab nga gipahimangnoan ni Tabaquero ang mga sakop nga kinahanglang sundon ang mga patakaran nga gilatid panahon sa eleksyon.

Ang Comelec gipaabot nga mopatuman og total gun ban sa sunod tuig ug kini nagkahulugang bisan ang kasundaluhan ug kapulisan magkinahanglang mosunod sa patakaran sama sa pag-file og gun ban exemptions ug uban pa.  - Lesley Caminade (BANAT NEWS)