South District tutukan sa kapolisan sa 2010
CEBU, Philippines - Tutukan sa kapulisan sa dakbayan sa Sugbu ang Cebu City South District atol sa piniliay karong sunod tuig gumikan kay gikunsiderar nila kining maoy dunay labing init nga panag-ribal sa mga politiko sa nahisgutang bahin sa dakbayan.
Si Sr. Supt. Patrocinio Comendador, director sa kapulisan sa dakbayan sa Sugbu nagkanayon nga higpit ug init ang panagribal ni Mayor Tomas Osmeña ug negosyanteng si Jonathan Guardo nga magpapili sa pagka-kongresista sa South District karong sunod tuig.
Di pa hinuon maisip nga ‘hotly contested’ area ang South District sanglit wala pay panagtigom nga nahimo ang Comelec ug PNP, gipaabot usab nga may kausaban pa kini human sa deadline sa Disyembre 14 alang na sa pag-ilis og mga pangalan sa kandidatong magpapili.
Giklaro usab niini nga sagad gyud sa mga key position panahon sa election maoy init kaayo ilogan apan hasta ang mga supporters di kalikayang mag-initay usab. (BANATNEWS)
- Latest
- Trending
