BI agent gi-floating status

CEBU, Philippines - Kasong administratiba ang atubangon ni Bureau of Immigration Officer Delausan “Dino” Sarip Montor sa BID-7 human masikop sa entrapment sa Natinal Bureau of Investigation- 7 tungod sa pasangil nga kini nangilkil sa usa ka langyaw sa milabay’ng adlaw.

 Si BI 7 regional director ug Alien Control Officer Casemiro Madarang III nakig-alayon na sila kang NBI 7 regional director Medardo de Lemos alang sa imbestigasyon.

 Matud pang Madarang ang report sa NBI entrapment operation iyang ipadangat ngadto kang BI Commissioner Marcelino Libanan.

 Si Montor gibutang sa floating status samtang anaa pa ang kaso niini sa NBI 7 ug si Libanan lamang makadesisyon batok sa maong hiwing kawani sa gobiyerno.

 Gidakop sa NBI si Montor human kini gitumbok sa usa ka Richard John Batt, usa ka American national nga nangayo og balor 20 mil alang sa visa extension sa maong langyaw.  - Bong Soriano (BANAT NEWS)