1 patay, 4 angol sa Pasil

CEBU, Philippines - Usa patay samtang upat ang samdan sa nahitabong kagubot sa miaging gabiisa Pasil Fish Port sa barangay Suba ning dakbayan.

Ang namatay nailhan nga si Victor Laborte, nga naputos og samad dinunggaban sa lawas human gitabangan og dunggab sa magsuong sila si Arnold ug Jessie Aro samtang samdan usab si Johnny “Bobong” Ampil human kini gipusil ni Christopher Aro ug usa ka batang napagan nga si Alberto Abellana, 15.

Sa pakighinabi sa Banat News ni PO2 Leroy Baguio sa Homicide Section gikatahong si Ampil ug Laborte nag-inom sa nahisgutang lugar ug dihang nangahubog gisulong sa duha ang managsuong Aro nga niadtong tungura nagduwa og hantak.

Si Jessie Aro nga wala makabantay naigo pagdunggab ni Ampil diha sa tuong bukton samtang si Arnold naigo sad sa dughan ug parehong nakadagan ug nakapangayo og tabang sa igsuong si Christopher.

Si Christopher kuyog ang mga samarang igsuon mibawos nila ni Ampil ug Laborte ug gikatahong nagtabang pagdunggab sa duha ug si Christopher nga nagdala og armas mipusil usab kang Ampil sa abaga apan naamong si Abellana diha sa tiyan.

Human matumba si Ampil wala na usab bala si Christopher ug gibukbok niya kini sa puloan sa armas.

Ang mga samdan gipangdala sa Cebu City Medical Center apan patay na si Laborte. Sa pakighinabi sa Banat News sa igsuon ni Laborte nga si Reynaldo kini mibutyag nga dugay nang may panagbingkil tali sa iyang manghod ug ni Christopher Aro. - Lesley Caminade (BANAT NEWS)