Urban poor solidarity week saulogon
CEBU, Philippines - Saulogon sa lokal nga kagamhanan sa dakbayan sa Talisay ang Urban Poor Solidarity Week (UPSW) sugod sa Disyembre 1 ngadto sa 5 ning tuiga. Kini pasiugdahan sa Presidential Commission for the Urban Poor (PCUP) uban sa mga Non-Government Organizations (NGO’s), ug sa pribadong sector, nga tambungan sa 4,000 ka miyembro sa mga urban poor organization.
Sugdan ang maong kalihokan pinaagi sa Santos nga Misa, dayon isunod ang parada sa mga sakop sa organisasyon.
Ipahigayon usab ang Ms. UPSW TAMSE 2009 unya ipanghatag usab ang Certificate of Lot Allocation sa 250 ka mga benepisyaryo.
Sa pagkahapon ipang- apud-apod usab ang “Bundles of Joy” ngadto sa mga sakop sa unyon.
Sa ikaduhang adlaw, Disyembre 2 masaksihan usab ang paugnat sa kusog nga magsugod sa buntag ug sa pagkahapon ipahigayon usab ang kompetisyon sa daygon .
Usa ka Leadership Skill Enhancement Seminar ipahigayon usab sa Disyembre 3 ug 4. – BANAT NEWS
- Latest
- Trending
