Joel Garganera mag-bise mayor?

CEBU, Philippines - Human mopahibawo ang abogadong si Emmanuel “Manny” Pacquiao og interes nga mopapili pagka-bise mayor sa siyudad sa Sugbu, milutaw usab ang pangalan ni kanhi Tinago barangay captain Joel Garganera nga mokandidato usab ilawom sa partidong Kugi Uswag Sugbu (Kusug).

Kasaligang tinubdan mibutyag nga si Garganera maoy himuong running mate ni Winston Garcia nga gikatahong magpapili usab pagkamayor sa siyudad. Ang kanhi barangay kapitan miangkon nga dunay nagpadayon karong sabot-sabot labot niini, apan dili pa niya ikabutyag kung siya magpapili pagka-bise mayor.

Sama kang “Manny” Pacquiao nga midayeg sa iyang kandidato pagkamayor nga si Georgia Osmeña sa Go Cebu, si Garganera bilib usab ni Winston. Gihulagway sa kanhi kapitan si Winston nga usa ka lahing matang sa pagkatawo ug naghupot og kasinatian ug kalidad alang sa usa ka maayong lider ug nagtuo siyang mas molig-on ang ilang grupo sa umaabot nga piniliay.

“We will just campaign and that has always been the style of Bando Osmeña, for me, there’s nothing to react,” mao ray reaksyon sa gitudlong mokandidato pagka-bise mayor sa Bando Osmeña Pundok Kauswagan (BOPK) nga si education consultant Joy Augustus Young.  - Elly Bolonos (BANAT NEWS)