2 pasaheroan nagsungag 14 angol

CEBU, Philippines - Duha ka pasaheroan nagsungag sa milabay’ng gabii diha sa eskina sa dalan P. Lopez ug Borromeo sa milabay’ng gabii hinungdan sa pagkalandig sa tambalanan sa 14 ka tawo.

Sumala pa sa Traffic Group sa Cebu City Police Office ang nagsungag mao ang may rotang 10H (Pardo-Colon) nga gimaneho ni Richard Hoilen ug ang 15 (Oprah-Carbon) nga gimaneho usab ni Alexander dela Cruz Vescara.

Si Hoilen padulong sa dalan P. Lopez samtang si Vescara kasugat niini sa dalan Borromeo. Matud pa ni Manuel Tagaan sa TG mibutyag sa Banat News ang 10H maoy misampak sa sakyanan ni Vescara.

Tungod sa kakusog sa pagbangga naigo usab ang usa ka Eduardo Langamin ug Bayong Judi nga anaa sa daplin sa karsada

 Nangaangol usab ang mga pasahero sa duha ka pasaheroan nga sila si April Vergara,15, Portillan Mary Ann 15, Alvarado Diana Rose 20, Rublico Jackilee 22, Dumpa Ligaya 26, Rosell Cristina 39, Odel Carl 21, Dizon Jana 19, Miolen Richard 37, ug gidala sa Cebu City Medical Center lakip na si Eduardo Langamin 29, ug Bayong Judi. Samtang ang nalandig sa South General Hospital mao si Rabaya Taina. (Lesley Caminade)   (BANATNEWS)