Gisuyaan gipusil ilok nasabak

CEBU, Philippines - Kritikal ang kondisyon sa usa ka 19 anyos nga ulitawo, human kini pusila sa grupo sa mga batan-on didto sa sitio Tamiya, barangay Basak, dakbayan sa Lapulapu kagahapon sa kaadlawon.

 Ang biktima mao si Gerard Cesar Ocampo, 19, ulitawo. lumad nga taga Dumanhug, lalawigan sa Sugbu, apan nagtrabaho kini sa dakbayan sa Lapulapu.

Base sa pasiunang imbestigasyon ni SPO3 Rex Ibanez sa Crime Against Persons (homicide) nasayran nga gikan sa usa ka videokehan si Ocampo nga nakig-inom sa iyang mga higala.

Sa dihang ang usa niya ka higalang babaye buot na unta nga mopauli gikuyogan ug gihatod kini sa biktima, dihang samtang naglakaw sila sa dalan kalit lang gipusil sa grupo sa mga wala hiilhing batan-on.

Si Ocampo nasabak sa bala sa walang ilok ug gihatod dayon ngadto sa Vicente Sotto Memorial Medical Center.

Gidudahan sa kapolisan nga gisuyaan lang sa maong grupo ang biktima.(Bong Soriano) (BANATNEWS)