Sa sangka ni Pacman 2 nanulis
CEBU, Philippines - Tungod sa kahilom sa kadalanan gumikan sa sangka ni Manny Pacquiao ug Miguel Cotto, milampos ang duha ka wala hiilhing lalaki sa pagpang-hold-up sa mga pasahero sa usa ka PUJ didto sa Osmeña Boulevard, Capitol Site, dakbayan sa Sugbo kagahapon pasado ala-1:00 sa hapon.
Ang gitulis mao sila si Jesel Martines, 20, ug Danica Selvio, nga pulos taga sitio Lawis. barangay Lorega, dakbayan sa Sugbo.
Samtang ang mga tulisan giingong pulos gibanabanang nagpangidaron og tag 20 anyos nga pulos nagsul-ob og t-shirt.
Nasayran nga ang mga tulisan mao pay pagsakay sa PUJ ug dihang nakita niya nga duha ray pasahero, diha-diha gitionan dayon nila kini og armas de fuego uban sa pagdeklalar nga tulis.
Sa paglikay nga mapagan ang ilang kinabuhi, gihatag nalang nila ang ilang kwarta nga nagkantidad og P770.
Samtang sa laing bahin ang saturation drive nga gilusad sa Investigation Detection and Management Bureau nakasakmit sila og 17 ka nubain, nakasikop usab og 17 sa mga tawo nga tiggamit og nubain.
Sa pagkakaron nagtingkagol na sa prisohan ang mga nadakpan samtang giandam na ang tukmang kaso nga isangt-at batok sa mga nadakpan. – BANAT NEWS
- Latest
- Trending
