Linog miigo sa Cebu ug Mindanao

CEBU, Philippines - Naigo sa linog sa miaging gabii ang kinatibuk-ang lugar sa Surigao City, lakip na ang dakbayan sa Sugbu ug ubang bahin sa Visayas sumala pa ni Rolando Montañez sa Phivolcs.

Matud ni Montañez nga ang linog nasinati alas 9:48 gibana-banang naa sa 43 kilometros habagatang kasadpan sa Surigao City nga mitala og intensity four, intensity 3 ang mga dapit sa Basilica, Dinagat Island, Misamis Orriental.

Samtang intensity 2 usab ang Camiguin, dakbayan sa Davao ug Tacloban ug ingon man sa barangay Mabolo sa Cebu City ug intensity one ang siyudad sa Bislig.

Matud ni Montañez nga tectonic ang gigikanan sa maong linog nga niigo ug walay nadawat nga report nga dunay nangagubang mga building ug imprastraktura sa naapektahang lugar. Matud pa niini nga ang intensity 5 paubos dili peligroso maong walay angayang kabalak-an. - Rey Pasaporte (BANAT NEWS)