Retiradong sundawo naghikog tungod sa kuwarta

CEBU, Philippines - Ang usa ka retiradong sundawo nagpusil sa iyang kaugalingon human magkalalis ug ang iyang asawa gumikan sa suliran sa kuwarta didto sa sitio Wireless, barangay Subangdaku, dakbayan sa Mandaue kagahapon sa hapon.

Ang naghikog mao si Agarico Perpetua, 53, usa ka retired corporal sa Armed Forces of the Philippines (AFP).

Nasayran nga si Perpetua didto magpusil sa iyang ulo sa gawas sa ilang balay pinaagi sa iyang .45 kalibre nga pistola.

Matud pa ni PO2 Ryan Sarabia sa Mandaue City Police Office sa pakighinabi sa Banat News nga adunay kalambigitan sa kuwarta ang giawayan sa magtiayon nga misangpot sa pagtubok sa maong sundawo sa iyang kaugalingon.  - Lesley Caminade (BANAT NEWS)