Fake money bantayan

CEBU, Philippines - Gipahimangnoan karon sa kapulisan ang publiko nga magmabinantayon tungod sa pagkatap dinhi sa Central Visayas sa fake money nga gipalusot sa mga sindakato. Si Sr. Supt. Louie Oppus, hepe sa Operations and Plans Division sa PRO-7 nagkanayon nga modus sa mga sindikato ang mamiktima og gagmay'ng tindahan gamit ang mini nga salapi. Sagad sa mga gagmay'ng tindahan walay kahimanan ug panahon pagsusi sa salaping gibayad kanila maong sila maoy paboritong target sa grupo. Matud pa ni Oppus nga sagad mogawas ang mga mini nga salapi panahon sa Pasko ug nagkaduol nga piniliay nga mahitabo sa sunod tuig. Subay niini, niadtong nilabay'ng mga bulan usa ka operasyon ang gihimo batok sa usa ka personalidad diha sa habagatang bahin sa lalawigan sa Sugbu nga nalambigit sa pagpalusot og fake money. - BANAT NEWS