PRO-7 mopahingusog sa Kontra Boga sa rehiyon

CEBU, Philippines - Duna pay katunga sa mga lisensyadong armas nga wala pa magpa-renew sumala pa sa Police Regional Office-7.

Gikatahong dunay gibana-banang 52 mil ka mga loose firearms ang naa dinhi sa Central Visayas apan 6,155 lang ang mi-renew sa ilang mga lisensya sulod sa upat ka buwan nga kampanya sa Kontra Boga.

Si PRO-7 Deputy Regional Director Sr. Supt. Marcelo Garbo nagkanayon magpadayon ang ilang agresibong pagpangampanya ug pagpahibalo sa publiko nga magpa-lisensya sa ilang mga expired nang lisensya ug ang paggukod sa loose firearms.

Ang kapolisan mibutyag nga ilang susihon ang estratehiya sa ilang kampanya gumikan kay daghan pang armas nga wala makuha ug wala magpa-renew sa lisensya.

 “We need to review and evaluate our strategy and from there we will restate our approach and techniques as we aim for the top three out of all police regional offices nationwide in the highest number of loose firearms accounting,” pasabot pa ni Garbo sa report sa Philippine Information Agency.

Samtang sa laing bahin si PRO-7 Firearms and Explosives Unit (FEU) head Supt. Jacinto Cesar nagkanayon nga ang 6,155 ka armas nga ilang na-recover naggikan sa mga expired licenses nga nagpa-renew ug ang mga armas nga nakuha sa kapolisan sa nagkadaiyang police stations nga miabot og 12 porsiyento sa 52 mil nga loose firearms. (Lesley Caminade)    (BANATNEWS)