CEBU, Philippines - Didto magsaulog sa Adlaw sa mga Santos ug Adlaw sa mga Kalag ang usa ka tawo kinsa nadakpan sa kapolisan sa pagpamaligya og shabu sa barangay Pajo, dakbayan sa Lapulapu niadtong miaging adlaw. Ang nadakpan mao si Jerome Daitol, hingkod, ulitawo nga taga Pajo.
Ang team sa kapolisan nga nakasikop sa maong suspetsado gipangulohan ni Inspector Joecen Parallag nga maoy hepe sa Special Weapon and Tactics (SWAT) sa kapolisan sa maong dakbayan. Gihimo nila ni Inspector Parallag ang buy bust operation nga miresulta sa pagkasakmit sa mga kahimanan sa paggamit og shabu ug uban pa.
Si Inspector Parallag miingon nga inilang tigpayuhot og illegal nga drugas si Daito sa ilang lugarapan gumikan sa kadangogniinimaoy hinungdan nga pirme lang kining makaipsot.
Dugang pa niya nga si Daitol daan na nga nag-atubang og kaso nga may labot sa kalapasan sa Presidential Decree 1612 kon Anti Fencing Law ug may warrant of arrest nga napundo alang kaniyanga giluwatan sa korte.
Ang dinakpannagtingkagol na karon sa bilanggoan aron atubangon niini ang kaso nga isang-at batok kaniya. – BANAT NEWS