Meat processing ug soap making tubag sa krisis karon

CEBU, Philippines - Tungod sa kalampusan sa labing unang meat ug soap making seminar niadtong milabay’ng Septiyembre 26 ug 27 sa Golden Treasure Skills and Development Program (GTSDP) nakadesider ang grupo nga magpadayon ang maong entrepreneurial seminars sa Queen City of the South isip pamaagi sa pagtubag sa krisis karon ug makasugakod niining kalisod.

Ang GTSDP subling mopahigayon og susamang seminars.Ang “Soap Making Seminar” himuon karong Nobiyembre 21 (Sabado) ug sa Nobiyembre 22 (Domingo) mao na usab ang “Meat and Fish Processing Seminar” diha sa Sacred Heart Center, sa Jakosalem Street , Cebu City, sugod alas-10 sa buntag hangtud alas- 6 sa gabii. Haom kaayo ang maong mga seminars tungod sa nagsingabot nga Holiday Season nga maoy mga adlaw nga manghatag ang tagsa-tagsa og mga gasa sa mga minahal sa kinabuhi ingon man negosyo.

"The world is in financial crisis - times are tough for everyone. Now, more than ever, it's time to spend our money wisely and yet still celebrate the best of the season by personalizing our gifts and preparing the food ourselves,” matud pang Paul Gorre, ang GTSDP vice president.

Popular karon ang soap making nga hobby. Gawas pa niini, masurpresa ka nga di diay lisod ang paghimo niini, dugang pa niini makamenus ka sa imong gastos pagpalit og sabon alang sa panimalay. Dunay bonus nga himuon, sama sa body scrub, foot spa soap, foot spray, foot powder, hair shampoo, hand and body lotion. Kun ikaw naghuna-huna og extra income o gustong magnegosyo diha lang sa panimalay, suwayi ang meat processing.

Makat-unan diha sa seminar ang paghimo og tocino, skinless longganisa, Chinese (canton) sausage, embutido, chicken nuggets, chicken ug pork ham, pork kikiam, corn beef, bangus deboning, fish kikiam, fish ball, fish fillet, Spanish and tomato sardine, fish burger ug squid ball.

Ang matag seminar may bayad nga P1,900 lamang, gastos nga mabawi ra dayon sa mubo nga panahon kun magnegosyo human sa seminar.

Aron di magproblema sa gamiton, sagol ug costing, tudloan usab ang partisipante og basic guidelines kun unsaon paglahutay sa maong negosyo. Tanang gamiton sa seminar ug training modules, paniudto, snacks ug certificates magagikan sa GTSD.

Alang sa mga interesado mahimong motawag sa 583-6955 or 259-0951. Text sa 0939-430-5480 (Smart), 0915-705-6229 (Globe) o 0932.638.4760 (Sun).Hinumdumi, limitado ang slots. Alang sa dugang kasayuran bisitaha ang www.goldentreasureskills .com. (Edwin Ian Melecio)    (BANATNEWS)