BOPK line-up naghinobra
CEBU, Philippines - Wala makakita og problema si Cebu City Mayor on-leave Tomas Osmeña pagpili og mga kandidato alang sa ilang lineup sa sunod tuig nga eleksyon.
Kini bisan pa man kung miluwat na sa katungdanan si Konsehal Hilario Davide III nga mahimo pa untang magpasubli pagpapili sa katungdanan.
Si Davide pormal nang nibiya ug emosyonal nga nanamilit sa iyang mga kauban sa konseho atol sa sesyon sa City Council niadtong miaging adlaw.
Ang konsehal buot nga mohatag og igong panahon sa iyang bag-ong katungdanan human itudlo isip provincial chairman sa Liberal Party (LP) sa Sugbu.
Gawas kang Davide, laing hulipanan nga mga konsehal nga anaa na sa ilang katapusang termino mao sila si Konsehal Jack Jacosalem, Nestor Archival ug Christopher Alix.
Apan matud pa ni Osmeña nga labihang taasa ang linya sa gustong mokandidato ubos sa Bando Osmeña Pundok Kauswagan (BOPK).
“Dili gyud na problema sa among grupo kay taas ang pila unya gamay ra ang kuwang, taas gyud ang among lista,” sumala ni Osmeña.
Gitataw sa mayor nga siguradong makompleto ang ilang line-up sa dili pa matapos ang deadline pagduso sa certifico de kandidatura karong sunod buwan. - Elly Bolonos (BANAT NEWS)
- Latest
- Trending
