Gaquing mohangyo ni Gungob

CEBU, Philippines - Ang pangulo sa kapulisan sa lalawigan sa Sugbu Sr. Supt. Jesus Gaquing mangaliyupo ngadto kang Mayor Avelino Gungob sa lungsod sa Consolacion nga dili ihinayon ang laraw niining pagpahawa sa mga police sa nahisgutang lungsud. Ang mayor gikatahong mohimo niini inig balik niya gikan sa nasud gikan sa South Korea apan si Gaquing miingon nga iyang personalon og adto ang mayor aron matuki ang maong isyu.

“Hangyo ko nga dili ihinayon ang pagpahawa, adto ko niya magpaubos ko niya, nga dili ihinayon nga magpakita ko nga ang interest mao ra ang public service and safety sa katawhan,” sumala pa ni Gaquing.

Giklaro nga wala siya moingon sa mayor nga iyang ibalik ang duha ka police escort niini samtang ang iyang pagpangayo’g pasaylo may labot lang sa iyang desisyon pagpa-relibo sa duha ka police escort nga sila si PO3 Sherwin Leyson, PO3 Joeramie Espinosa nga gipaagi lang niya’g fax machine.

Gibutyag niini nga nanawag siya kang Mayor Gungob ug ang Mayor mipadayag sa kasagmuyo niini kun nganong ang pag-relibo dili formal ug gipaagi pa niya sa fax machine. Gikatahong si PRO-7 director Chief Supt. Lani-O Nerez kagahapon sa buntag nakigtagbo kang PO3 Leyson ug PO3 Espinoza sa CPPO aron klaruhon ang maong isyu, ang duha police escorts ni Gungob. - Guam Logroño (BANAT NEWS)