CEBU, Philippines - Duha ka batan-ong lalaking nagpataka og pabuto og armas ang gidakop sa kapolisan ug nasakmitan og mga pinaketeng shabu dihang girekisa ang kalawasan alas-8 pasado ang takna sa miaging gabii.
Ang mga nadakpan mao sila si Micael Palma, 18, ug Randy Mondigo, 18, lumolupyo sa sitio Santo Niño sa barangay Looc, dakbayan sa Danao.
Si SPO4 Teofilo Degamo sa kapolisan sa maong dakbayan nga nahinabi sa Banat News miingon nga nagpabuto og kalibre .357 ang duha nakapatumaw sa kahadlok sa mga silingan hinungdan sa pagreklamo ngadto sa kapolisan.
Sila si SPO1 Lolito Oliverio maoy miresponde ug misikop ni Palma ug Mondigo ug dihang gipang-rekisa nakuha kanila ang kalibre .357 nga armas nga adunay lima ka buhing bala ug basiyo samtang si Mondigo nakuhaan og usa ka gamay’ng pakete nga gidudahang may sulod nga shabu sa iyang bulsa. - Romeo Limpangog (BANAT NEWS)