CEBU, Philippines - Dul-an 300 ka fully-grown nga Marijuana ug 2,000 ka semilya niini ang naibot sa mga sakop sa 78th Infantry Battalion gikan sa sitio Panliwad-on sa barangay Sibakan dakbayan sa Danao kagahapon.
Ang mga sakop sa Army nga miibot sa maong mga illegal nga tanom gipanguluhan ni 1st Lt. Eric Pidazo nga nagbase sa nahisgutang dakbayan human makadawat og impormasyon gikan sa usa ka concerned citizen kabahin sa plantasyon sa maong dapit.
“Around 4:00 am, we verified the information given to us, and at 9:00 am we went back together with some agents from Philippine Drug Enforcement Agency (PDEA), PNP Danao and soldiers from 78th IB, but upon reaching the area caretakers were nowhere to be found,” matud pang Pidazo.
Si Pidazo midugang nga duna sila'y nadawat nga impormasyon kun si kinsa ang nananom niini apan ilaha pa kining kumpirmahon. Ang maong mga inibot nga marijuana gihatud na sa kasundaluhan ngadto sa buhatan sa PDEA-7. – BANAT NEWS