Lubot sa tanod tuhab sa bala

CEBU, Philippines - Natuhab ang lubot sa usa ka barangay tanod human kini pusila sa wala hiilhing tawo didto sa Sitio Asinan, barangay Bato dakbayan sa Toledo kagahapon sa ala 1:00 sa kaadlawon.

Ang biktima mao si Leo Delos Reyes, 47, nga taga Asinan ug tanod sa Bato.

Si PO3 Ruel Tadeque sa Toledo Police Station nga gikahinabi sa Banat News nagkanayon nga padulong na untang mopauli ang biktima uban sa iyang mga kaubanang barangay tanod nga nagbantay sa disco sa nahisgutang lugar nga nagpiyesta, dihang giluthang kini.

Ang pagpusil sa biktima nahitabo mga 40 metros nga gilay-on gikan sa diskohan samtang nagkapyot kini sa multicab ug didto motaroy ang bala sa iyang lubot .

Gihatod dayon kini sa tambalanan samtang gipangita pa sa kapolisan ang criminal. (Guam P. Logroño ug Darrel Carumba) (BANATNEWS)