CEBU, Philippines - Ang mga opisyales ug mga kawani sa Visayas Ombudsman nipahigayon og kaugalingong fund drive alang sa mga nabiktima sa bagyong Ondoy sa Luzon.
Si Deputy Ombudsman for the Visayas Pelagio Apostol nagkanayon nga ang iyang gimando nga fund drive alang sa nabiktima sa kalamidad gibasehan usab niya sa gipagawas nga kamanduan ni Ombudsman Merceditas Gutierrez kinsa nagtinguha usab nga makahipos og tabang alang sa biktima sa bagyo.
Si Apostol nagkanayon nga iyang giaghat ang iyang mga empleyado nga muhatag og cash o used clothing o ba kaha mga gamit sa balay.
Apan nasayran niini nga sagad sa gitampo sa mga opisyales ug mga kawani sa Ombudsman mao ang cash.
Dugang pa ni Apostol nga ang maong mga hinabang nga natigom buhatan iya usab kining ihatud sa ulohang buhatan aron mao na kini ang pormal nga motunol niini ngadto sa mga biktima. (Chester Abadilla)(BANATNEWS)