Custom sa Sugbo dako'g koleksyon

CEBU, Philippines - Milampos ang buhatan sa Bureau of Customs dinhi sa Sugbu sa ilang collection target nga P490 milyones sa buwan sa Septiyembre ning tuiga. Gani matud pa ni Cebu Customs Assestment Chief Carlos Corsiga sa pakighinabi sa Banat News nga misobra sila og P62 milyones tungod kay nakakolekta man sila og P553 milyones sa katibuk-an. Kini naggumikan sa maayong pagkabantay sa mga tinugyanan sa Custom sa mga kargamento sa mga barko paingon nganhi ug paingon ngadto sa gawas. Basta tinud-on lang gyud ang pagpangolekta, sigurado gyud nga dili mapakyas ang koleksyon sa Custom dinhi sa Sugbo, matud pa ni Corsiga. – BANAT NEWS