2 sikop sa buy bust sa kapolisan
CEBU, Philippines - Gidakop sa kapolisan sa dakbayan sa Mandaue ang duha ka tawo atol sa buy bust operation nga ilang gipahigayon sa nagkalainlaing dapit sa maong dakbayan sa miaging adlaw.
Ang unang nadakpan mao si James Kilong-Kilong, 26, nga taga Marfa, Bakilid, kinsa nasakmitan og tulo ka linikit nga pinaugang dahon sa marijuana. Ang grupo nila ni PO3 Gregorio Sabal ug PO2 Vengie Gabato sa kapolisan sa Presinto 3 sa Basak Police Station sa maong dakbayan maoy nakadakop sa suspetsado.
Nadakpan usab si Jimmy Guido, 46, minyo, nga taga sitio Sta., Cruz barangay Labogon, kinsa nasakmitan og duha ka paketeng shabu ug mga kahimanan sa paghingos niini.
Ang team nila ni PO3 Robert Cuyos ug PO3 Leo Batigalaw sa Presinto 3 sa Basak Police Station maoy nakasikop sa maong suspetsado. (Romeo T. Limpangog) . (BANATNEWS)
- Latest
- Trending
