P20 milyones disaster equipment miabot

CEBU, Philippines - Nangabot na dinhi sa Sugbu kagahapong adlawa ang mga P20 milyones nga disaster equipment sa National Disaster Coordinating Council (NDCC) nga gidonar diha sa Regional Disaster and Coordinating Council (RDCC).

Ang maong mga modernong kagamitan gibutang sa Police Regional Office (PRO-7) diin nagbase ang Office of the Civil Defense (OCD) ingon man buhatan sa RDCC.

Si Neil Sanchez ang Public Information Officer (PIO) sa OCD nga gikahinabi sa mga tigbalita nagkanayon nga dako kini ikatabang sa RDCC nga pagbaton og modernong kahimanan nga magamit sa mga rescue operations sa bisan unsang matang sa kalamidad moigo dinhi sa rehiyon.

Sumala pa niini nga mamahimo na kining magamit sa bisan unsang mga kalamidad dinhi sa rehiyon ug magamit sa ubang mga lugar kun simbako dunay moigo nga kalamidad sa ilang mga lugar. Ang maong mga equipment naglangkob sa life locator, usa ka rubber boat, GPS, medical equipment, life jackets, water filtration sytem, kagamitan sa life jackets, portable lamps ug uban pang kahimanan. (Guam Logroño) (BANATNEWS)