Duha naangol kay gipamusil

CEBU, Philippines - Naangol ang duha ka mga batan-on nga gipamusil didto sa Brgy. Marigondon dakbayan sa Lapulapu sa milabay'ng gabii.

Sila mao si Niño Arjay Bagiuo Muñez, 16 ug John Paul Rensulat Amores, 16, pulos taga Marigondon.

Sumala sa kapolisan nga nag-standby ra sa tindahan sa maong dapit ang mga biktima dihang gipamusil sila sa tulo ka wala hiilhing kriminal.

Si Muñez naigo sa iyang walang bahin sa paa ug dihang milapos ang bala didto usab kini mutaroy sa walang paa   ni Amores ug miungot kini didto.

Gihatod dayon ngadto sa tambalanan sa dakbayan sa Sugbo ang mga biktima samtang gipangita pa sa kapolisan ang mga kriminal ug ang mga tigpaniid nagkanayon nga mao nay pago sa mga tawong dili dayon mouli sa ilang balay kay magpunay pa og estambay.  – BANAT NEWS