Call Center agent ang naghikog

CEBU, Philippines - Nagbitay nang nakit-an sa igsuon ang usa ka lalaki pipila ka oras human kini makig-away sa ilang inahan sa wala pa kini maghikog pasado alas dose sa kaadlawon ug nakit-an na pasado alas-9 sa buntag atubangan sa ilang panimalay sa White Road barangay Inayawan.

Ang maong lalaki nga naghikog nailhan nga si Samuel Tagalog, 26 giingong usa ka call center agent, giingong sa wala pa ang hitabo nagkalalis kini sa iyang inahan.

Matud pa sa igsuon sa naghikog nga si Ranulfo nga gidali-dali siya og pukaw sa iyang ig-agaw nga si Ryan Mark human makit-ing nagbitay na si Tagalog.

Ang namatay migamit og bakos paghigot sa liog diha atubangan sa ilang panimalay.Ang kapolisan walay nakitang timailhang may foul play sa kamatayon niini. – BANAT NEWS