Standard pagpresentar og kriminal giduso ni Chiz

CEBU, Philippines - Giaprubahan na sa Senado ang pag-regulate sa pagpresentar sa mga dinakpan nga gipasanginlang kriminal ngadto sa mga sakop sa media. Si Senador Francisco “Chiz” Escudero dakong uyon sa maong desisyon sa Senado aron usab mapanalipdan ang tawhanong katungod sa usa ka gipasanginlang suspek hangtud nga kini mapamatud-ang sad-an sa korte.

“This measure is aimed at preventing a violation of a basic human right, which is, a person is presumed innocent until proven guilty. Presenting suspects to the media violates this right, because it projects them to be guilty already to the crime, aside from subjecting them to humiliation,” matud pang Escudero.

Duna nay resolution nga ipaabot ngadto sa Department of Justice, Department of Interior and Local Government, Philippine National Police ug ubang ahensya sa gobiyerno sa pagpagawas og implementing rules and regulations kabahin niini. Ang maong resolution gipasar na sa third reading sa Senado ug gikatakda kining tukion sa House of Representatives sa dili pa ang Kongreso mo-recess karung Oktobre 17.  – BANAT NEWS