Joavan dakpan!

CEBU, Philippines - Armas, mga illegal nga drugas ang nasakmit sa Highway Patrol Group (HPG-7) human ilang nadakpan kagahapon sa hapon ang kontrobersyal nga hinablos ni Mayor Socrates Fernandez nga si Joavan sa Barangay Pusok, dakbayan sa Lapulapu.

Armas, mga illegal nga drugas ang nasakmit sa Highway Patrol Group (HPG-7) human ilang nadakpan kagahapon sa hapon ang kontrobersyal nga hinablos ni Mayor Socrates Fernandez nga si Joavan sa Barangay Pusok, dakbayan sa Lapulapu.

Lakip sa gidakop mao ang upat ka mga kuyog ni Joavan nga sila si Quazar Bacaltos Quiachon 33, taga Talisay, Alinor Mamao Andingan 28, taga Pajac, Lapulapu, Mark Ryan Vega Alcover, 28, taga Talisay, Wilfredo Abellana Vega, 46, taga Cansojong, Talisay.

Si PO1 Cerge Maceren, sa HPG uban kang PO1 Virgilio Suico, PO1 Rainer Rosal ang nagpatrolya kagahapon sa hapon paingon sa Lapulapu, dihang ilang nasundan ang Isuzu Bighorn nga may plakang YEZ-460 kolor pula sa may unang taytayan sa Mactan nga nag-siren.

Dihang ilang gitan-aw ang plate number hanap kini kaayo ug dili mabasa tungod kay gisapawan og tinted nga bildo hinungdan nga ila kining gigukod aron pahunongon.

Apan mipasirit hinuon kini og padagan ug misugat nga lane hangtud nga ilang naapsan duol sa gate sa Cebu-Mactan International Airport.

Sumala pa ni PO1 Maceren, nga diha-diha nangabli sa pultahan ang driver ug nagpailang siya si Joavan Fernandez ang anak ni Mayor Socrates Fernandez sa dakbayan sa Talisay, ug mosugat siya sa iyang amahan.

Apan dihang nangabli si Joavan nakit-an nila ni PO1 Maceren, nga dunay holster sa armas diha sa kilid hinungdan nga gipahigayon nila ang pag-search sa sakyanan.

Nakuha ang usa ka .38 revolver nga dunay duha ka bala diha sa passenger seat. Diha usab sa usa ka silver nga attaché case ang duha ka gagmay’ng pakete sa shabu, laing usa nga tibuok nga shabu sulod sa laing pakete, lima ka plastic nga wala nay sulod, burner, waterpipe, uban pang mga drugs paraphernalia.

Sumala pa sa kapolisan, tulo ka mga traffic violation ang nalapas ni Joavan,sama sa paggamit og siren ug blinkers nga kalapasan sa Presidential Decree 96, dark plate number, counter flow kon misugat sa trapiko dihang wala mohunong dihang gi-flagged down.

Si Insp. Emeterio Payoyo sa HPG-7 mitug-an sa mga sakop sa media nga gikunsiderar nilang arestado si Joavan sa kalapasan sa lagda sa trapiko ug incidental nalang ang armas ug illegal drugs.

Si Mayor Socrates Fernandez dihang gitawgan sa Banat News kagahapon sa hapon nagdumili sa paghatag og pamahayag, nangayo og pasaylo sa iyang pagdumili paghatag og pamahayag ug miingon lamang og “I’m not in the happy mood of my life.”

Si Joavan nagtingkagol sa Talisay City Jail human kini pasaka-i og kasong “two counts of serious illegal detention” sa pamilyang Abellana apan gitugotang makapiyansa og P200 mil alang sa iyang temporaryong kagawasan. – BANAT NEWS