Programa sa taytayan kadudahan

CEBU, Philippines - Nagduda si Cebu City ABC president Eugenio Faelnar sa kaseryuso sa nasudnong kagamhanan pagpatuman sa Bridges for Prosperity Acceleration Program niini. Kini tungod kay pipila ka tuig na nilang girekomendar nga katukuran og mga tulay ang pipila ka bukirang barangay sa siyudad ubos sa nahisgutang programa.

Apan hangtud niining higayuna nagkanayon wala pay timailhan nga katukuran og mga taytayan ang ilang girekomendar nga mga barangay. Gani matud pang Faelnar nga sila si Mayor Tomas Osmeña na kasabot na nga ang kagamhanan sa dakbayan mao na lang ang mopatukod niini. Nasayran hinuong ang Regional Development Council (RDC) niendorsar na nga kagahinan og pundo ang lima ka tulay sa bukirang mga barangay sa dakbayan. Kini mao ang Dita-Sirao bridge, Guadalupe-Sapangdaku bridge, Baksan bridge, Tagba-o bridge ingon man ang Bonbon-Camarin bridge nga nagkinahanglan og labing minos P195 milyones nga pundo gikan sa Tulay ng Pangulo Para sa Kaunlarang Pang-Agraryo nga programa. – BANAT NEWS