Power outrage nasinati kagahapon

CEBU, Philippines - Nakasinati kagahapong adlawa og problema ang Turbine Generator No. 4 (TG-4) ang Sangi Power Plant nga gidumala sa Toledo Power Company (TPC) nga kaabag sa Global Business Power Corporation (GBPC).

Matud pa sa station manager nga si Emelio Javier ang turbine generator ila kining giayo sulod na sa usa ka buwan aron masigurong mapadayon ang operasyon niini.

Ang Sangi Power Plant 30 ka tuig nang nagserbisyo maong ang padayong pagpaandar niini usa ka hagit sa ilang habig aron mapadayon ang serbisyo   diha sa Sangi ug Carmen.

Matud pang Javier, ang TG-4 nag-supply og 18 megawatt nga gipasa ngadto sa Cebu III Electric Cooperative, Incorporated (Cebeco-3) ug Visayan Electric Company (Veco).

Hinuon nagkanayon si Javier nga ang generator mahibalik ra sa normal nga operasyon sulod sa 20 ka adlaw nga technical review sa TPC. – BANAT NEWS