CEBU, Philippines - Lain na usab nga coastal ug barangay clean-up ang pasiugdahan sa Coastline Management Board karong adlawa dinhi sa dakbayan sa Sugbu nga salmotan sa labing minos 54 ka mga barangay sa siyudad wala pay labot ang mga volunteer nga gikan sa nagkadaiyang mga tunghaan ug sa uban pang mga non-government organizations.
Subay niini giawhag ni acting mayor Michael Rama ang mga molupyo sa dakbayan nga moduyog sa nahisgutang kalihukan aron subling pamatud-an nga nagpabiling buhi ang barangayan, bayanihan ug bolunterismo. Gipaabot usab ni Konsehal Edwin Jagmoc nga libuan ang moduyog sa ilang pasiugdahan nga clean-up drive karong adlawa tungod kay daghan ang mipadayag og interes nga mosalmot sa maong kalihukan. – BANAT NEWS