P1.5M ang danyos sa sunog

CEBU, Philippines - Mikabat sa P1.5 milyon ang danyos sa pagkasunog sa usa ka balay sa magtiayong tigulang sa barangay Batad lungsod sa San Remegio niadtong Miyerkules sa alas 8:42 sa gabii.

Ang nasunog nga panimalay gipanag-iya sa magtiayong si Rene Suico ug Tessie Suico, nga atua nanarbaho sa gawas sa nasud ug ang ilang ginikanan maoy nahabilin nga sila si Quintino ug Vicenta Demiar.

Matud ni PO2 German Bulawet sa San Remegio Police dihang nahinabi sa Banat News ang sunog miulbo alas 8:42 sa gabii.

Ang kabomberohan sa San Remegio mibana-bana sa kinatibuk-ang danyos nga moabot og P1.5 milyones, sa imbestigasiyon sa kabomberohan nasutang nagsugba og kulo ang magtiayong Demiar ug pagkahuman nangatulog og sayo. – BANAT NEWS