Mga barangay kapitan miisnab sa 'Ecological Solid Waste Management Act'
CEBU, Philippines - Giisnab sa mga barangay kapitan sa dakbayan sa Sugbu ang gipadangat nga suwat ni Konsehal Nestor Archival nga nangayo og report may kalabutan sa pagpatuman niini sa Akta Republika 9003 kon ang Ecological Solid Waste Management Act of 2000.
Ang konsehal nga maoy chairman sa Committee on Environmental Management sa City Council nangayo og report sa mga barangay officials niadtong miaging buwan human usab pangayui niini sa Global Legal Action on Climate Change (GLACC-Cebu).
Matud ni Archival nga makapila na nila pahidumdumi ang mga barangay officials labot sa iyang gipadala nga suwat apan kini giingong wala mohatag og pormal nga tubag.
Ang mga barangay officials gihatagan na lang sa konsehal og kutob ugmang adlawa alang sa pagsumiter sa gipangayo niyang report ug kun dili iya nang itugyan ngadto sa GLACC-Cebu ang desisyon.
Una nang mibahad si Atty. Gloria Estenzo Ramos sa GLACC-Cebu nga dili sila magduha-duha pagpasaka og tukmang kaso niadtong nakalapas sa Akta Republika 9003. (Elly Bolonos) (BANAT NEWS)
- Latest
- Trending
