Dispatser gidunggab namatay

CEBU, Philippines - Namatay ang usa ka dispatser dihang gitabangan kini og dunggab sa tulo niya ka kontra didto sa mga eskina Lincoln ug Plaridel, barangay Ermita ning dakbayan sa Sugbo sa miaging gabii.

Ang biktima nailhan sa kapolisan nga si Marvin Vina, 28, taga dalan Sangi, barangay Punta Rizal, syudad sa Lapu-lapu , samtang usa sa mga nanunggab nailhan nga si Dominique Pahayahay.

Sumala sa kapolisan nga ang biktima nanawag og pasahero didto sa eskina Lincoln ug Plaridel dihang kalit lang mitumaw ang suspetsado uban sa duha ka wala hiilhing kauban niini. Gumikan malagmit kay daan nang nagdumot, walay daghang langas gitabangan dayon og kulata ang biktima unya wala matagbaw , usa sa tulo ang milanit og kutsilyo ug gihansak ngadto sa buko-buko sa biktima,

Gihatod dayon kini ngadto sa Cebu City Medical Center apan human sa pipila ka oras nabugtoan kini sa kinabuhi.

Padayon pang gipangita karon sa kapolisan ang suspetsado uban sa duha ka kauban niini. - Lesley Caminade (BANAT NEWS)