CEBU, Philippines - Tungod sa utang, usa ka tawo naghikog patay sulod sa iyang lawak sa dalan Urgello, barangay Sambag 1, sa miaging gabii.
Ang nakapahuway na sa kaguol bahin sa iyang utang nga wala pa hisayri ang kantidad mao si Roberto Dibdib Beldad, 52 , nga taga Urgello.
Si Stephanie Ogrimen Secretaria mibutyag sa kapolisan nga samtang namukwas siya sa ilang hinayhay maoy nasil-ingan niya ang lawas sa naghikog nga nagbitay na kini sa pisi.
Ang kapolisan mao nay mitangtang sa pisi nga gigaid sa kisame sa lawak niini samtang ang pikas tumoy sa maong pisi maoy gihikot sa iyang liog.
Si Gaudencio Lasso, higala sa biktima nagkanayon nga ang nagul-an sa naulahi mao ang dakong utang niini nga siya ray nasayod. (Lesley Caminade)