Kapolisan mipahimangno sa publiko

CEBU, Philippines - Ang publiko subling gipahimangnoan sa kadagkuan sa kapulisan sa dakbayan sa Sugbu nga dili magsul-ob og mga uniporme sa police ug militar gumikan kay ila gyung dakpon.

Kini maoy gipadayag ni Supt. Paul Labra II ang deputy city director for operation sa Cebu City Police Office isip reaksyon sa nahitabong pagpanulis sa lungsod sa Tuburan niadtong Martes sa gabii diin ang mga tulisan nagsul-ob og camouflage.

Si Labra nagkanayon nga walay gitugutang sibilyan nga makasul-ob sa uniporme sa kapulisan ug militar gumikan kay nagpabilin ang memorandum sa ilang iluhang buhatan sa Philippine National Police nga nagdili niini.

Gikatahong sagad sa mga nagbaligya niini dinhi makita sa dakbayan sa Sugbu ug karon gihigpitan na sa kapolisan gumikan sa memorandum ilabi na niadtong mga sininang may tatak nga iya sa militar ug sa kapolisan. - Guam Logroño (BANAT NEWS)