Oaminal pahataga'g award
CEBU, Philippines - Gisugyot ni Mayor Socrates Fernandez sa dakbayan sa Talisay ang paglakip kang Undersecrtary Clarence Paul V. Oaminal sa Dangerous Drugs Board(DDB) alang sa mga pahalipayan sa “Garbo sa Sugbo” award atol sa ika-440 ka tuig nga founding anniversary sa lalawigan sa Sugbo ning tuiga.
Ang maong sugyot gibase ni Fernandez sa mga dalaygon nga natampo ni Oaminal sa pagsilbi sa katawhan sa dakbayan sa Talisay ug sa tibuok nasud.
Si Mayor Fernandez sa iyang pagduso kang Usec Oaminal pinaagi sa gipadala niyang sulat ngadto kang Gobernador Gwendolyn Garcia, nagkanayon nga si Oaminal nahimong dangpanan isip manlalaban sa mga kabus nga nag-atubang og kaso.
Dugang pa ni Fernandez nga si Usec Oaminal mao usay tagsulat sa usa ka libro nga nag-ulohan og Comprehensive Dangerous Drug Act of 2002 alang sa Korte Suprema sa kaso nga People Vs. Salvador Espirito Sanchez.
Kini usab ang tagsulat sa libro nga Crimimnal Law 1, textbook sa Human Security Act of 2007 ug uban pa.
Matud pa ni Mayor Fernandez nga nagsugod si Usec Oaminal sa pagtudlo sa tibuok lalawigan sa Sugbo sa “The role of the five pillars of criminal justice system in anti drug campaign” ubos kini sa programa ni kanhi Gobernador Pablo Garcia ug karon kongresista sa ikaduhang distrito sa lalawigan sa Sugbo. - Romeo T. Limpangog (BANAT NEWS)
- Latest
- Trending
