Mock Robbery Ipahigayon

CEBU, Philippines - Ang mga sakop sa Hunta probinsiyal miawhag sa mga negosyante nga mopahigayon og mock robbery exercise aron makatarong og coordinate sa pinakaduol nga police station ug mahibawo usab ang mga kawani sa buhaton  sa higayon nga may tinuoray’ng tulis nga mahitabo.

 Si Provincial Board member Juan Bolo nagkanayon nga kadaghanan sa mga empleyado sa mga dagko ug gagmay nga mga establisamento dinhi sa probinsiya sa Sugbu wala gyud mahibalo kun unsay buhaton.

Gikatahong sagad kanila mag-panic sa higayon nga may mahitabong kalamidad, tulis ug kun may sunog nga mahitabo.

 Matud pa ni Bolo nga ang pagpahigayon og mock robbery sa establisamento makatabang sa mga empleyado nga maka-preparar sa ilang buhaton.

 Ang mao unyang pagbansay-bansay giyahan sa kapolisan ug ubang ahensya sa makatabang pagtudlo sa angayang buhaton atol sa emergency. - Chester Abadilla (BANAT NEWS)