Gipusil sa silingan angol

CEBU, Philippines - Puwerting pagka-angola sa usa ka tawo dihang gipusil kini sa iyang silingan didto sa Hermag Village sa barangay Basak, dakbayan sa Mandaue sa miaging gabii.

Ang biktima mao si Paulo Dabon, hingkod, nga taga Hermag, samtang ang suspetsado mao si Leo Balong, hingkod usab nga silingan sa biktima.

Si PO3 Robert Neri sa homicide section sa kapolisan sa maong dakbayan miingon nga naglakaw pauli sa ilang balay ang biktima dihang kalit nga gipusil sa suspetsado sa armas nga wala pa matino ang kalibre.

Ang biktima kansang lawas nabulit sa mga bala daling gihatod ngadto sa Mandaue City District Hospital aron malibre samtang padayon pang gipangita sa kapolisan ang suspetsado. - Romeo T. Limpangog (BANAT NEWS)