CEBU, Philippines - Natuhab ang kilid sa usa ka trabahante sa shell craft factory human kini pusila sa duha ka kriminal didto sa sitio Puntod, barangay Alaska-Mambaling sa miaging kaadlawon.
Ang biktima nailhan nga si Richard Montenola, 23, taga Puntod nga nagtrabaho sa usa ka pabrika sa shell craft sa maong lugar, samtang ang suspetsado mao si Arnel Morales nga silingan sa biktima uban sa kauban niining wala hiilhi.
Sumala sa kapolisan nga natulog ang biktima sa balay sa iyang silingan dihang sa iyang pagbangon kalit lang giluthang ang suspetsado.
Ang biktima gihatod dayon ngadto sa Cebu City Medical Center samtang padayon pang gipangita sa kapolisan ang suspetsado. - Lesley Caminade (BANAT NEWS)