Strike, anti-SONA rally malinawon dinhi - PRO7

CEBU, Philippines - Samtang gihulagway sa kapolisan nga malinawon ang rally ug transport strike kagahapon sa mga militante ug mga sakop sa transport groups sumala pa sa kapolisan.

Si Sr. Supt. Patrocinio Comendador, director sa kapulisan sa dakbayan sa Sugbu subay sa iyang personal nga pag-roving sayo kagahapon sa buntag uban kang Police Regional Office (PRO-7) Chief Supt. Lani-O Nerez.

Matud pa ni Comendador nga “generally peaceful” ang transport strike ug wala gyud kini makahatag og dakong epekto sa dagan sa trapiko.

Sumala pa sa kapolisan diha sa barangay Guadalupe 50% lang ang naapektuhan sa maong transport strike, 20% sa Talamban, samtang sa may MJ. Cuenco dunay ginagmay lang nga pagkibhang.

Sa barangay Guadalupe kagahapon sa buntag dunay reports nga adunay mga driver nga nisalmot sa transport strike pugsanong mipahunong sa ilang mga kaubang driver nga namasahero.

 Sukad pa niadtong adlaw’ng Domingo gipaubos sa full alert ang kapolisan sa Central Visayas tungod sa SONA sa presidente, ang nagkadaiyang buhatan sa kapolisan mitagana og tagsa ka platoon nga Crowd Dispersal Management. (Guam Logroño)   (BANAT NEWS)