75-anyos naghikot sa liog

CEBU, Philippines - Gumikan sa gihambin nga nervous breakdown, usa ka 75 anyos nga dalagang guwang miunay sa pagkutlo sa iyang kinabuhi niadtong Sabado sa kaadlawon sulod sa ilang pinuy-anan sa barangay Tunga, lungsod sa Moalboal.

Ang nagpakamatay giila sa kapolisan nga si Esperanza Macasling, nagpuyo sa nahisgutang lugar human maghigot sa iyang liog ginamit ang usa ka nylon nga pisi nga gihigot sa busaob sa ilang panimalay.

Sa imbestigasyon nila ni SPO3 Teofilo Amodia Jr., imbestigador sa kapolisan sa Moalbol si Macasling nakit-an na lang kini sa iyang silingan ug kaliwat nga patay nga diha sulod sa ilang panimalay nga dunay higot sa liog nga naglingkod sa sawog.

Dugang nakuhang impormasyon sa kapolisan sa mga paryente ug mga silingan nga si Macasling gikataho nga sa wala pa kini mokutlo sa iyang kinabuhi mipadayag na kining maghikog gumikan sa iyang sakit. (Guam P. Logroño)   (BANAT NEWS)