Hepe sa tanod nanghimakak sa pasangil

CEBU, Philippines – Usa ka kanhi hepe sa tanod sa dakbayan sa Lapulapu nanghimakak sa asangil nga may gihulga siyang mga tawo sa ilang lugar.

Siya si Jaime Ponce Daño, hingkod, minyo, ug kanhi hepe sa tanod sa barangay Punta Ingaño, dakbayan sa Lapulapu kinsa personal nga nanghimakak sulod sa editorial office sa Banat News niadtong Lunes sa hapon sa pasangil nga gipanghulga niyang patyon sila si Wilfredo Tongco Jr. ug Jerman Pagobo sa Punta Ingaño.

Matud pa ni Daño nga wala’y basihanan ang maong pasangil ug usa kini ka dakong bakak, kay kun tinuod pang nanghulga siya gipasakaan na usab unta siya og kaso sa korte bahin sa maong kalapasan. – Romeo T, Limpangog (BANAT NEWS)