Supplier og marijuana tiklo

CEBU, Philippines - Usa ka suspetsadong “drug pusher” nadakpan sa kapolisan sa check point didto sa Bas-Diot, Moalboal niadtong Sabado sa gabii.

Ang suspetsado kinsa maoy giingong tiglawog og marijuana sa mga langyaw nga naa magpuypo sa Moalboal mao si Jhonifer Er-Er 30, “alias Boro” minyo, nga taga Bas-Diot.

Ang nasakmit sa kapolisan gikan kang Er-Er mao ang 20 ka ugang punoan sa marijuana nga 12 pulgadas ang gitas-on kada usa.

Nagpahayahay na siya karon sa prisohan sa kapolisan sa Moalboal. - Guam Logroño (BANAT NEWS)