Nabuthan sa armas sa sikyo namatay

CEBU, Philippines – Namatay ang usa ka tawo dihang mibuto ang armas de fuego sa security guard sa komedyang gition-tion sa iyang abaga didto sa barangay Pusok, dakbayan sa Lapulapu sa miaging gabii. Ang namatay mao si Danilo Salgado Magalang, 31, ulitawo, nga taga GP Compound sa nahisgutang lugar samtang ang suspetsado mao ra usab ang higalang sikyu nga si Edwin Sabela Villapaz, hingkod, ug guwardiya sa Brilliant Mini Bar nga nahimutang usab sa maong dapit .Si SPO2 Rolito Jumao-as sa homicide section sa kapolisan sa maong dakbayan mibutyag sa Banat News nga igo lang misuroy ang biktima sa iyang suod kaayo nga higala ug sa ilang paghinangpanay, misangpot sa pagkomedyahay lakip na ang pagtion-tion sa armas ngadto sa abaga sa biktima dihang kalit lamang kining mibuto nga misangpot sa kamatayon sa biktima.Mikagulkol na karon sa prisohan ang suspetsado. – Romeo T. Limpangog (BANAT NEWS)