Way vote padding sa 2004 - Comelec

CEBU, Philippines – Gisalikway lang sa regional director sa Comelec -7 ang pasangil nila ni kanhi presidente Joseph Estrada ug kanhi senador Ernesto Maceda nga niadtong 2004 presidential election adunay nahitabong vote padding nga dili mominus 500 mil ka mga botos pabor kang Presidente Gloria Macapagal Arroyo.

Sumala pa ni Comelec regional director Rene Rey Buac nga dili niya tagdon ang maong pasangil bisan pa man og gikan kini ni Estrada ug Maceda tungod kay kutob lamang kini sa estorya ug walay gipakitang ebidensiya.

Si Buac mihagit nila ni Estrada ug Maceda ang mga fictitious nga mga pangalan sa giingong mga patay nang botante nga nakabotar ngadto sa korte aron kini masusi.

Dugang pa ni Buac nga may igo pang panahon ang duha kay hingpit nga mahapsay ang voters list karon Novembre 31 samtang nagpadayon ang training sa mga election officers pag-operate sa counting machines alang sa automated election sa sunod tuig. – Elly Bolonos (BANAT NEWS)