Mangunguling giluba namatay

CEBU, Philippines – Usa ka lalaki ang nakit-ang patay nga napuno sa samad dinunggaban sa kamaisan sa likod sa Mightyvilla sa sitio Sayaboc barangay Bulacao pasado ala-una sa miaging adlaw.

Ang maong lalaki nailhang si Guilermo “Canoy” Carnaje, usa ka mangungolingay sa barangay Taul siyudad sa Talisay.

Sa imbestigasyon sa kapolisan nasayran nga adunay tulo ka mga batan-ong molupyo sa nahisgutang lugar ang misum-ok sa kahumayan dihang aduna sila’y nabantayan nga lalaki nga nagbuy-od.

Sa diha nga ila kini nga gisusi ilang nakit-an nga naputos kini sa dugo ug wala nay kinabuhi hinungdan nga ilang gitawag ang molupyo sa duol ug mao na usab ang mitawag og kapolisan.

Ang patay’ng lawas giila usab sa usa ka kaliwat niiini nga si Jurado Flores diin kasamtangan kini nga nahimutang sa Saint Francis Funeral Homes.

Ang kapolisan karun nagsubay pa kung unsay hinungdan sa pagdunggab patay sa biktima ug unsay motibo niini. – Lesley Caminade (BANAT NEWS)